Politika e rimbursimit

Përditësuar më 15 nëntor 2026

Kjo politikë vlen për abonimet e Artistja-s (planet Solo, Studio dhe Salon) që bizneset i blejnë në artistja.com. Pagesat për shërbimet e bukurisë që klientet bëjnë në studio nuk kalojnë përmes Artistja-s dhe nuk mbulohen këtu.

Prova falas

Çdo biznes i ri ka 30 ditë falas me të gjitha funksionet. Gjatë provës nuk kërkohet kartelë dhe nuk paguhet asgjë. Nëse nuk zgjidhni plan, llogaria thjesht ndalet në fund të provës.

Planet dhe çmimet

• Solo: €15 në muaj ose €153 në vit
• Studio: €25 në muaj ose €255 në vit
• Salon: €35 në muaj ose €357 në vit

Pagesa vjetore ka 15% zbritje krahasuar me 12 pagesa mujore. Çmimet përfshijnë tatimet.

Rimbursimi brenda 14 ditëve

Nëse nuk jeni të kënaqur, ju kthejmë të gjithë shumën e pagesës së parë të një abonimi, mujor ose vjetor, nëse e kërkoni brenda 14 ditëve nga data e pagesës. Nuk ju pyesim për arsyen.

Pas 14 ditëve

Pagesat e rinovimit dhe pagesat më të vjetra se 14 ditë nuk rimbursohen. Abonimin mund ta anuloni kur të doni nga Studio. Anulimi ndal rinovimin e radhës dhe Studio mbetet e hapur deri në fund të periudhës së paguar.

Gabimet në pagesë

Nëse ju është tërhequr pagesa dy herë, ose ju është tërhequr pas anulimit, e kthejmë gjithmonë të plotë, pavarësisht afatit.

Si ta kërkoni

Shkruani në info@artistja.com nga email-i i llogarisë suaj, ose përdorni linkun në faturën që ju dërgon Paddle. Rimbursimi kthehet në të njëjtën kartelë ose llogari me të cilën keni paguar, zakonisht brenda 5 deri 10 ditëve pune.

Kush e përpunon pagesën

Porositë tona i përpunon Paddle.com, i cili është shitësi zyrtar (Merchant of Record) i abonimeve. Paddle lëshon faturën, mbledh tatimet dhe kryen rimbursimet. Për pagesat vlejnë edhe kushtet e blerësit të Paddle.

Artistja operohet nga Kron Hajzeri, Prishtinë, Kosovë · info@artistja.com · Shih edhe Kushtet e përdorimit dhe Privatësinë.